A Cidade da Cultura acolle o 3º Encontro do Programa CeMIT-Innova, promovido pola Amtega, no marco do Plan de Inclusión Dixital 2020 da Xunta de Galicia e aliñado coa Axenda Dixital de Galicia 2020.
A través do Programa CeMIT-Innova (que inicia xa a súa 3ª edición), Amtega desenvolve o espírito de traballo activo e colaborativo, impulsando proxectos para a superación de desafíos sociais, que converten as aulas CeMIT en espazos onde a tecnoloxía está ao servizo da Innovación Social Dixital.
Convencidos de que só se poden impulsar este tipo de accións coa implicación de todos os axentes sociais, queremos convidalo a impulsar - a través de CeMIT-Innova - un novo modelo de relación social no seu territorio. E a participar neste evento onde:
- Compartiranse os logros alcanzados en anos anteriores.
- Achegarase o concepto de Innovación Social Dixital a través dos nosos veciños e veciñas e as súas experiencias.
- Informarase sobre a apertura dunha nova convocatoria do Programa onde seleccionaranse 10 novos proxectos pilotos.
Na xornada contaremos ademais cun referente como Juan Freire, conferenciante habitual como analista de novas tendencias sociais e económicas asociadas aos procesos de cambio tecnolóxico e social, que nos dará a súa visión acerca do importante rol que xogan concellos e Aulas CeMIT como axentes do cambio.
