Segunda edición do Foro de Innovación Produtiva no Sector Agrario, evento que serve para presentar os resultados de diferentes iniciativas apoiadas con fondos Feader e da Consellería do Medio Rural co fin de impulsar a innovación no sector produtivo primario en Galicia. Na primeira edición do encontro presentáronse 32 proxectos innovadores cunha clara vocación de transferencia cara ao sector agroalimentario galego.
O evento está organizado por Agacal, Axencia Galega de Calidade Alimentaria, instrumento básico de actuación da Administración xeral da Comunidade Autónoma de Galicia en materia de promoción e protección da calidade diferencial dos produtos alimentarios galegos acollidos aos distintos indicativos de calidade. Ten como obxectivos investigar e realizar o desenvolvemento tecnolóxico no sector agroalimentario, así como desenvolver as actividades de I+D+I nos sectores agrario, gandeiro e forestal.
