O Museo Centro Gaiás acollerá a entrega de premios do programa Xuventude Crea 2019, certame galego de creadores novos, que inclúe as especialidades de teatro, artes plásticas, fotografía, música, relato breve, poesía, videocreación, banda deseñada, graffiti, deseño de xoias, moda, cociña e danza moderna.

Ademais, con motivo desta edición do certame, a Sala Eisenman acollerá a exposición conmemorativa dos 10 anos do programa, unha mostra que recolle unha escolma de proxectos premiados nas especialidades de artes plásticas (pintura e escultura), fotografía e deseño de xoias dos anos 2010- 2019.