O auditorio do Edificio Fontán da Cidade da Cultura acolle o xoves 24 novembro de 2022 ás 18:00 horas o Foro Talentia Summit ‘22, o encontro anual de talento e broche final da feira virtual de talento e emprego Talentia Summit 2022.

O Foro volve de novo á Cidade da Cultura, onde xa cebrara a pasada edición con grande éxito. E do mesmo xeito, tamén será difundido en tempo real mediante streaming.

Yolanda Vázquez será a condutora do acto que contará, como en cada edición, coa participación de conferenciantes de prestixio de diversos ámbitos:

• Miriam Blanc – Cofundadora iterem, experta en transformación dixital
• Gemma Ventura Santasusana – Happines hunter – Experta en Procesos de Xestión da Felicidade
• Juan Antonio Báez Morín – Vicepresidente do Consello da Mocidade de España
• Eva Porto – Psicóloga, Recruiter e creadora de contidos
• Luis Gil – Catedrático da ETSI Montes, Forestal do Medio Natural

O broche musical estará a cargo de Fredi Leis, recoñecido músico e compositor nado en Santiago, que animará unha xornada cargada de innovación e coñecemento.