O conselleiro do Medio Rural, José González, acompañado do director da Axencia Galega da Calidade Alimentaria (Agacal), José Luis Cabarcos, participará na entrega dos galardóns da XXIII cata dos queixos e da XIX cata dos meles de Galicia. Coñeceranse os galardonados nestes dous certames que, para premiar a excelencia, a Consellería do Medio Rural concede anualmente.
Están organizados pola Axencia Galega de Calidade Alimentaria (Agacal), dependente da Consellería do Medio Rural, coa colaboración dos consellos reguladores das catro denominacións de orixe protexidas de queixos existentes en Galicia (DOP San Simón da Costa, DOP Queixo Tetilla, DOP Arzúa-Ulloa e DOP Cebreiro), e o consello regulador da indicación xeográfica protexida Mel de Galicia.
