A Cidade da Cultura de Galicia acolle o 26 de setembro a presentación dos proxectos emprendedores que completaron a terceira edición do 'Programa Go2Work', coworking centrado no sector das industrias culturais e tecnolóxicas que organiza o IGAPE e a EOI, coa colaboración do Centro de Emprendemento Gaiás.
No Demoday cada participante disporá dun tempo moi breve, non máis de sete minutos, para dar a coñecer a súa iniciativa. Estas son as iniciativas que se presentarán no evento:
- Wolvers UP - Bea García
- Tu mueble vintage (PICAPAU) - Sarah Domínguez
- Charo López Atelier - Charo López
- International Traditional Food - Maya Alsousli
- Reina D'Hoore
- Suburbia - Daniel Pino
- Boina Galega - Sandra Vilas
- Pedrido Fotografía - Alberto Pedrido
- Step By Step - Izabela Niechwiadowicz
- 3399 - Ramón Gómez
- Nous Eduka - Leticia del Valle
- EQ - Alberto García
- Ángela Rico
- Spacio b - Bea Barril
- Mamá Lela - Maribel Mariñas e Inés Rodríguez
A esta presentación acudirán a directora-xerente da Cidade da Cultura de Galicia, Ana Isabel Vázquez Reboredo, o xerente de IgapeNova, Guillermo Viña, e o director da Área de Desarrollo de Pymes da EOI, Javier Benito.
O 'Programa Go2Work' inclúe obradoiros, sesións de formación grupal e mentoría para emprendedores pertencentes ás industrias culturais e tecnolóxicas cun proxecto empresarial en fase temperá de desenvolvemento ou cunha empresa creada recentemente (non máis de 6 meses antes da súa incorporación ao espazo coworking).
