A xornada de mañá de Delas Fest. Mulleres e cultura urbana procura a través de faladoiros e unha mesa rendonda  analizar colectivamente e con perspectiva crítica algunhas das temáticas apuntadas como fundamentais por profesionais da disciplina para acadar a igualdade. Entre eles, abordaranse os condicionantes-obstáculos que impón o xénero sobre o traballo artístico no espazo público; a necesidade de construír espazos de diálogo en rede e desde a sororidade; a loita colectiva contra as condicións de precariedade nas que, en moitas ocasións, se traballa en festivais e grandes citas do sector; o paternalismo e/ou a indiferenza coa que se continúa a xulgar as obras das mulleres creadoras da disciplina, etc. 

 

 

PARTICIPANTES 

• Lina Castellanos (Colombia) é artistavisual e Máster en Estudos Interdisciplinares de Xénero pola Universidade Autónoma de Madrid. Integrante do colectivo de muralistas Dúo Amazonas, tamén forma parte do equipo adiovisual da organización internacional Economía Feminista.
• Lorena Arévalo (Galicia) é muralista e docente universitaria. Doutora en Arte e Humanidades pola Universidade de Vigo, participa na posta en marcha de iniciativas de acción colectiva e na creación de obras con vocación emancipadora e un forte enfoque de xénero. Desde 2016 forma parte do proxecto Expostas.

• Festa (Galicia) é unha multidisciplinar artista especializada en ilustración e deseño.Licenciad en Belas Artes pola Universidade de Granada e a Accademia d iBelle Arti Bologna,desde os seus inicios cos estarcidos e os adhesivos interésase pola expresión visual en diálogo cómplice co espazopúblico.Traballa coma deseñadora,pintora e muralista freelance.

• Ira (Galicia) é grafiteira. Formada de forma autodidacta a partir da aprendizaxe xunto a outras escritoras e escritores de graffiti no ambiente do hip-hop coruñés, desde 2012 exprésase nas rúas do noso país desde unha perspectiva antipatriarcal e antiautoritaria.