Do 13 ao 15 de novembro o Edificio Fontán da Cidade da Cultura acolle o V Congreso da Federación Española de Sociedades de Nutrición, Alimentación e Dietética (FESNAD) e LXXV Congreso da Sociedade de Pediatría de Galicia, co lema “O Bo Camiño: Nutrición, Saúde e Sustentabilidade”.
O evento busca converterse nun foro de discusión e intercomunicación, que axude a aumentar as sinerxías entre as Sociedades que a integran e a establecer as directrices para seguir no “bo camiño”, cun enfoque integrado, cara á mellor saúde nutricional do individuo e benestar ambiental.
O programa inclúe relatorios científicos, obradoiros e mesas de debate ao redor de temas de actualidade nos ámbitos da nutrición e a atención pediátrica. Máis información na web do congreso.
