A Cidade da Cultura acolle o acto de presentación do concurso de ideas Industria 4.0, co que a Consellería de Economía, Emprego e Industria apoiará catro proxectos demostrativos da fábrica intelixente con catro millóns de euros.

Trátase dunha convocatoria competitiva na que consorcios formados por un organismo intermedio, xa sexa un cluster, centro tecnolóxico ou unha asociación empresarial, e polo menos 3 pemes, presenten proxectos conxuntos para aplicar tecnoloxías da industria 4.0 ás empresas participantes.