A Cidade da Cultura acolle o martes 23 de outubro a xornada 'Claves para a industria 4.0: Tecnoloxía, dixitalización e persoas', organizada pola empresa Sisteplant. Será un evento para o intercambio de experiencias entre empresas e empresarios, ao que se pode asistir de balde, previa inscrición.
Durante os últimos anos, a industria está a vivir unha importante transformación da man dos cambios na demanda, que con frecuencia tradúcense na esixencia de niveis de personalización e axilidade extremas. O paradigma Industria 4.0 irrompeu con forza, e posibilita dar resposta a estas esixencias do mercado. A transformación 4.0 implica dixitalización, e tamén importantes cambios a nivel produtivo, loxístico, socio-laboral, de capacitación e xestión do coñecemento… que é imprescindible abordar con estratexia e visión global.
Durante a xornada abordaranse as claves do proceso de transformación cara á Fábrica do Futuro e presentaranse experiencias prácticas de empresas que xa comezaron este camiño.
AXENDA DA XORNADA
09:30h.- Benvida
09:40h.- "Industria 4.0: Dixitalización e moito máis. Eixos da Fábrica do Futuro". Alfonso Ganzabal, Director general de Sisteplant.
10:10h.- "Un día en fábrica: O papel das tecnoloxías 4.0 na operativa e decisións diarias". Presentación audiovisual.
10:45h.- "Experiencias prácticas de Fabricación Avanzada e Industria 4.0". Borja Arenaza, Advanced manufacturing manager de Sisteplant.
11:15 Café
11:45 Mesa redonda: Transformación 4.0 e competitividade.
Carlos Merino Rego, Director de Tecnoloxías Dixitais/ Centro Tecnolóxico – Navantia
Nicolás Deus , Director de Operacións – Estrella Galicia
Francisco Nieto, Director de Logística – CIE GalFor
Jesús Ramos, Director Industrial – Jealsa
Modera: Jose Mª Borda, Vicepresidente Executivo de Sisteplant.
13:00h.- Conclusións e fin da xornada.
