Acto de clausura de Cambiar o conto, enmarcado no programa Iniciativa Xove da Dirección Xeral de Xuventude e Voluntariado da Consellería de Política Social.
O obxectivo do proxecto é espertar a conciencia da poboación sobre diferentes situacións de discriminación e prexuízos. A proposta Cambiar o conto está encabezada con cinco mensaxes curtas e directas: Cuestionamos, acollemos, descoñecemos, descoidamos e sospeitamos.
Os finais non escritos, o que realmente viviron os protagonistas participantes neste proxecto coñeceranse na Sala Seminario do Museo da Cidade da Cultura. Nese acto proxectarase un vídeo, no que os protagonistas descubrirán o final co que se procura rachar prexuízos e estereotipos presentes na sociedade e relacionados cos colectivo en risco de exclusión social. Nos relatos recóllense as vivencias dun mozo sirio, Camal; Cristy, profesora de autodefensa e kárate, campioa de Europa, discapacitada e lesbiana; Inma, outra moza lesbiana; e Manuel, de etnia xitana, cuxa historia se interrompe, cando soa no seu móbil unha melodía de Camarón, xusto cando está a piques de alugar un piso.
Máis información, neste enlace
