A Cidade da Cultura acollerá a cuarta edición do Basket & Cheese, xornada sobre patrocinios e baloncesto. O Club De Empresas Obradoiro únese desta volta ao Centro de Emprendemento do Gaiás para organizar esta actividade que terá lugar o mércores 20 de abril e que contará coa participación da Queixería Barral.
A mesa redonda, titulada O deporte como vehículo empresarial, contará co editor jefe de Hoopshype.com, Jorge Sierra; o director en Europa Oeste de BDA Sports, Quique Villalobos; e o responsable de patrocinios de Estrella Galicia, José Villanueva.Tamén estará Lupe Murillo, xerente de Conservas Pescamar, conselleira do Rio Natura Monbus Obradoiro e presidenta do Pontevedra Club de Fútbol, e Jordi Canellas, director de mercadotecnia e patrocinios da ACB.
Ao acto están convidados todos os membros do Club de Empresas Obradoiro e do Centro de Emprendemento do Gaiás, que poderán gozar dos produtos de Queixería Barral, ademais de cervexas de Estrella Galicia.
