Asemblea da Asociación Galega de Empresas Musicais (AGEM), nacida no ano 2007 para defender os intereses profesionais das empresas galegas que proveen servizos no ámbito da música ao vivo, incluíndo produtores, promotores, managers e axentes.
A Asociación integrara a todos os empresarios persoas físicas e/ou xurídicas que teñan o seu domicilio social ou fiscal no territorio da Comunidade Autónoma de Galicia e que a súa actividade empresarial ou profesional sexa a representación artística, a de axente de contratación, a edición de fonogramas, a promoción e a produción técnica de eventos e espectáculos en calquera das súas fases, así coma outras actividades directamente relacionadas co espectáculo e a xestión cultural, incluidas a certificación de conformidade de producións de espectáculos, a seguridade e a formación especializada.
