Este curso ten como obxectivo que o arquitecto poida coñecer as ferramentas dixitais para a elaboración do proxecto arquitectónico nunha contorna BIM desde a xeración do anteproxecto, proxecto básico e ata a elaboración do proxecto de execución. O curso pénsase como unha axuda ao arquitecto para que a transición desde un entorno CAD a un entorno baseado en procesos BIM se leve a cabo con éxito, o que lle permitirá participar de forma efectiva nas licitacións públicas do sector da edificación. Para iso, debe coñecer as posibilidades, calidades e potencia dos procesos BIM no sector da edificación e tomar contacto coas ferramentas dixitais dispoñibles no mercado.