A Axencia Galega da Calidade Alimentaria (Agacal) é unha axencia pública autonómica, adscrita á Consellería do Medio Rural, que ten por obxecto:

• Constituírse no instrumento básico de actuación da Administración xeral da Comunidade Autónoma de Galicia en materia de promoción e protección da calidade diferencial dos produtos alimentarios galegos acollidos aos distintos indicativos de calidade. Investigar e realizar o desenvolvemento tecnolóxico no sector agroalimentario.
• Desenvolver as actividades de I+D+I nos sectores agrario, gandeiro e forestal, dentro do marco das competencias que a esta axencia lle atribúen os seus estatutos estatutos.
• Realizar aquelas outras actuacións relacionadas coas actividades anteriores que determine a consellería de adscrición cos medios e persoal que a ela se adscriben.

A Axencia conta na súa estrutura con catro centros de investigación de referencia (Centro de Investigacións Agrarias de Mabegondo (CIAM), Centro de Investigacións Forestais de Lourizán (CIF), Estación de Viticultura e Enoloxía de Galicia (Evega) e o Laboratorio Agrario e Fitopatolóxico de Galicia (LAFIGA)) e seis Centros de Formación e Experimentación Agraria(CFEA) (Sergude, Guísamo, Becerreá, “Pedro Murias” Ribadeo, Monforte de Lemos e Lourizán).