O Auditorio Neira Vilas da Cidade da Cultura acolle a entrega do Premio Arume de Poesía para a Infancia 2023, do que resultou gañador o músico, docente e escritor ourensán Pablo Nogueira Campo coa obra Versos (a)variados.

No mesmo acto presentarase o libro gañador da anterior edición do Premio Arume, Os verso da mariola, de Antón Cortizas, publicado por Edicións Embora.

O Premio Arume de Poesía para a Infancia foi creado por Xosé Neira Vilas e Anisia Miranda coa finalidade de apoiar a poesía infantil e tivo a súa primeira edición hai máis de vinte anos. No ano 2021 retomouse a convocatoria do galardón como unha iniciativa conxunta entre GÁLIX (Asociación Galega do Libro Infantil e Xuvenil),  a empresa Deleite e a Fundación Xosé Neira Vilas.