Entrega de premios das Catas dos Viños, Augardentes e Licores Tradicionais de Galicia 2020, desenvoltas este outono, nas que unha vintena de expertos integraron o panel de cata e valoraron, en catas totalmente a cegas, máis de 400 mostras recollidas nos últimos días por persoal de Agacal, dependente da Consellería do Medio Rural.
Este ano inscribíronse, para optar ás catas, un total de 267 mostras de viño branco e 141 de tinto, procedentes de 155 adegas das cinco denominacións de orixe vitivinícolas. Así mesmo, rexistráronse un total de 25 mostras amparadas polas indicacións xeográficas de augardentes e licores tradicionais da nosa comunidade. Neste caso, oito eran de augardente de Galicia, sete de licor de herbas, sete de licor café, dous de augardente de herbas e unha de augardente envellecida.
