A Cidade da Cultura acolle os días 7 e 8 de marzo a «30th Network Meeting» do Programa Erasmus Emprendedores. Trátase dun encontro dirixido a xestores do programa Erasmus Emprendedores en toda Europa; técnicos de universidades, centros de negocio, hubs de emprendemento, parques tecnolóxicos, cidades, rexións, etc; ademais de responsables de distintos programas europeos (EISMEA, DG GROW).
As xornadas ofrecen a oportunidade a todos eles de coñecerse, intercambiar experiencias e boas prácticas, obter máis orientación sobre as novidades do programa e explorar novos perfís emprendedores.
O evento convoca a máis de 180 persoas dunha trintena de países e contará tamén coa a participación de entidades como a Cámara de Comercio de Santiago, a Deputación de Pontevedra, Efektas Group (LT), Eurocity Chaves-Verín (ES-PT), FEUGA, Fundación Galicia Europa (ES-BE), IFOA (IT), Laval Mayenne Technopole (FR), The Ukrainian Chamber of Commerce and Industry (UA), Turismo de Santiago De Compostela, UNISCO (IT) e VIDA LACTEA (ES).
O Erasmus Emprendedores é un programa de intercambio internacional que ofrece aos novos emprendedores a oportunidade de aprender da experiencia de persoas que dirixen con éxito pequenas e medianas empresas noutro país. O intercambio de experiencias desenvólvese por medio dunha estancia no país de destino, ofrecendo á vez ao anfitrión novas perspectivas sobre o seu negocio e a oportunidade de cooperar con socios estranxeiros ou de coñecer novos mercados.
Máis información e axenda do evento AQUÍ.
