A Cidade da Cultura acolle o sábado 1 de xullo de 2023 a sexta edición do Festival de Bandas Infantís e Xuvenís de Galicia, que reúne unha ducia de formacións de toda Galicia nun certame destinado a dar a coñecer o traballo que fan as formacións máis novas das bandas de música populares galegas.
O Verán no Gaiás ofrécenos unha oportunidade única de gozar do espectáculo acrobático Lemniscate, estrea en Galicia desta función circense da prestixiosa compañía francesa Bivouac.
A música para gozar en familia non para neste Verán no Gaiás. Desta vez, público infantil e adulto poderán somerxerse nun concerto interactivo que repasa a historia do rock da man de Javier Becerra, autor do libro infantil Isto é rock!.
A programación de Verán no Gaiás para as familias achéganos un espectáculo musical para revivir a maxia da música en directo de Queen, unha das bandas de rock máis relevantes da historia.
Diego Vidal reflexiona sobre a incomunicación na sociedade actual cunha intervención na que tres figuras humanas, próximas pero illadas entre si, dan as costas ao mundo que as rodea. Tomando como punto de partida as ideas do filósofo surcoreano Byung-Chul Han ao redor da alienación provocada polo abuso e mal uso que se fai das novas tecnoloxías, o artista galego intenta chamar a atención sobre a perda de contacto coa realidade próxima, concretamente, co ámbito natural.
O Consello da Xunta aprobou hoxe o proxecto para dotar a Galicia do seu primeiro Centro de Artes Dixitais, que será tamén un dos pioneiros en España, ao nivel dos existentes nas grandes capitais. Con este novo equipamento, o Goberno galego pretende posicionar a Comunidade para aproveitar a ventá de oportunidade que ofrecen as artes dixitas como motor cultural e económico, en termos de xeración de empresas innovadoras e postos de traballo, así como ferramenta para preservar e divulgar o patrimonio e contribuír a elevar a calidade do sistema educativo.
O Universo está cheo de misterios por descubrir, viaxes interestelares, buracos negros, a chegada a Marte, multiversos onde o tempo é relativo. O ilusionista galego Pedro Volta presenta o espectáculo Magic Space. A maxia das estrelas, no marco da programación do Verán no Gaiás.
Xa está publicada listaxe provisional cos nomes dos 40 creadores e creadoras emerxentes seleccionadas para participar no XIII Encontro de Artistas Novos Cidade da Cultura de Galicia, #EAN13. Nesta residencia artística no Gaiás –que terá lugar entre o 28 e o 31 de agosto- poderán presentar o seu proxecto creativo, así como intercambiar experiencias profesionais con outros artistas emerxentes e consolidados, comisarios ou prensa especializada.
Consolidado como un dos eventos musicais a non perder no verán compostelán, o ciclo de concertos ao aire libre de Atardecer no Gaiás programa este ano 18 citas para alongar os solpores de xullo e agosto gozando da mellor música en vivo. O cartel deste ano inclúe populares artistas nacionais, como os rapeiros Juancho Marqués e Bejo, o pop con aires electrónicos de Rocío Saiz e Natalia Lacunza, ou o punk rock de Biznaga.
