A Cidade da Cultura acolle o sábado 1 de xullo de 2023 a sexta edición do Festival de Bandas Infantís e Xuvenís de Galicia, que reúne unha ducia de formacións de toda Galicia nun certame destinado a dar a coñecer o traballo que fan as formacións máis novas das bandas de música populares galegas.
Así, arredor de 600 rapaces e rapazas participan no Gaiás neste Festival onde cada formación interpretará un repertorio especialmente escollido para o certame, e terán ademais a oportunidade de gozar dunha xornada de convivencia na que coñecer a rapazada de toda a xeografía galega, co nexo común do seu amor pola música. O Festival incluirá unha actuación da Banda Sinfónica Xuvenil Galega, constituída por rapaces e rapazas de bandas populares de toda Galicia.
Programa da xornada
MAÑÁ
11.00 h | Apertura institucional e interpretación do Himno Galego [*no Xardín do teatro]
11.30 h | Banda da Escola de música de Xinzo (Ponteareas)
12.00 h | Banda Xuvenil de Vilatuxe
12.30 h | Chiquiband - Agrupación Musical da Limia
13.00 h | Banda da escola de música de Vilaboa
13.30 h | Banda-Escola de Música de Barro
14.00 h | Minibanda de Vilalba
TARDE
16.30 h | Banda de música Santádega
17.00 h | Banda infantil Unión Musical de Meaño
17.30 h | Banda xuvenil da Escola de música de Salvaterra
18.00 h | Banda infantil ACM Sementeira de Narón
18.30 h | Banda Escola da Unión Musical de Tenorio
19:00 h | Banda Sinfónica Xuvenil Galega
20:00 h | Entrega de diplomas e despedida
