O conselleiro de Cultura, Educación e Universidade, Román Rodríguez, preside o acto de balance polo décimo aniversario dos contratos-programa. O contrato-programa é unha iniciativa de innovación educativa desenvolvida desde a Consellería de Cultura, Educación e Universidade para proporcionarlles aos centros docentes públicos unha estratexia de mellora da calidade do ensino.

Os destinatarios son EEI, CRA, CEP, CEIP, CEE, CPI, CIFP, EPAPU e IES públicos de Galicia. Cada centro pode contribuír á mellora da calidade do ensino a través da solicitude dalgunha das 9 actuacións de que consta o contrato-programa.