Este ano as XII Xornadas de Odoo celébranse en Santiago de Compostela durante os días 30 e 31 de maio de 2019. Previamente a este evento, a Odoo Community Association organiza o Code Sprint orientado a consultores funcionais e técnicos do mundo de Odoo, os días 27, 28 e 29 de maio.

Despois de 12 anos de percorrido, o 2019 en Compostela busca consagrar o evento como a cita de referencia para empresas, organismos e proxectos interesados en formar parte do tecido produtivo de coñecemento aberto de xestión máis activo do escenario internacional: a comunidade de Odoo. O evento está organizado pola recentemente formalizada Asociación Española de Odoo.