FINSA presenta o 19 de outubro na Cidade da Cultura o seu proxecto Smart4 wood, programa europeo que lidera a compañía madeireira para promover a transformación dixital e tecnolóxica dos procesos produtivos e do resto da cadea de valor do sector.
Robotización tradicional e colaborativa, visión artificial, big data, machine learning... FINSA ten como obxectivo para setembro de 2020 que a industria europea da madeira incorpore de maneira paulatina todos estes conceptos, “experimentando unha revolucionaria deriva cara á transformación dixital e tecnolóxica”.
Para a presentación do proxecto, subvencionado a través da Axencia Galega de Innovación, FINSA contou coa axuda de colaboradores de primeiro nivel que a apoiarán na execución do programa Smart4 wood.
A xornada é gratuíta e transcorrerá de 9 a 13 horas no Auditorio Xosé Neira Vilas da Biblioteca e Arquivo de Galicia.
