O 24 de xullo o Museo Centro Gaiás acolle o acto de entrega das Medallas de Galicia 2018. A Medalla de Galicia é a máxima distinción de honra que concede a Xunta a persoas ou institucións que polos seus méritos ao servizo de Galicia en calquera aspecto da súa realidade social, cultural ou económica, sexan dignas de obter o recoñecemento do pobo galego.
"Cómprelles ás sociedades que teñen conciencia do seu ser e da súa presenza histórica, recoñecer e honrar as persoas e institucións que lles prestasen relevantes e meritorios servizos dignos de agradecemento público", explica o Goberno galego na páxina oficial dos galardóns. Este ano, as distincións recaen en María Emilia Casas Baamonde, Juan José González Rivas e Álvaro Rodríguez Bereijo. Máis información en www.xunta.gal/medallas-de-galicia/2018
INFORMACIÓN PRÁCTICA
Subes o 24 de xullo á Cidade da Cultura? Ten en conta este mapa do aparcamento sexas traballador/a no Gaiás, usuario/a das súas instalacións ou convidado/a ao acto de entrega das Medallas de Galicia.
