O conselleiro de Cultura, Educación e Ordenación Universitaria, Román Rodríguez, presidirá o acto de entrega dos Premios Fin de Carreira 2016. O acto terá lugar no salón de convencións do edificio CINC da Cidade da Cultura.

A Consellería de Educación convoca os premios fin de carreira da Comunidade Autónoma para o alumnado que rematou brillantemente os seus estudos universitarios conducentes á unha titulación oficial de grao nas universidades do Sistema universitario de Galicia. As persoas premiadas reciben unha dotación económica dun máximo de 3.000 euros e un diploma acreditativo desta distinción.