O 23 de abril terá lugar no Auditorio 2 do Edificio CINC, na Cidade da Cultura, o acto de seguimento do Plan estratéxico de Galicia 2015-2020 Tres anos do plan. O acto comezará ás 11:00 horas cunha sesión de traballo sobre o Plan Estratéxico na que se compartirán experiencias e avances realizados.

Ás 13:00 horas terá lugar unha sesión pública sobre os tres anos do Plan, na que o conselleiro de Facenda, Valeriano Martínez, realizará un seguimento dos grandes retos do documento. Esta sesión pública estará presidida polo titular do goberno galego, Alberto Núñez Feijóo, que ademais será o encargado de pechar o acto.

O presidente da Xunta de Galicia realizará unha intervención aberta aos medios de comunicación.