Xornada para festexar os 30 anos deste programa. O Programa orixinal comezou en 1987 como un programa de intercambio que ofrecía a estudantes universitarios a posibilidade de aprender e enriquecerse estudando no estranxeiro. Ao longo dos últimos 30 anos ampliou o seu alcance e envergadura. Hoxe Erasmus+ ofrece un maior número de oportunidades tanto a persoas como a organizacións, por exemplo ir de voluntario ou aprendiz a países estranxeiros e cooperar en proxectos conxuntos.

O Deporte tamén se converteu nunha parte importante de Erasmus+ e, ademais, actualmente o Programa esténdese a países de fóra de Europa.

De feito, desde o lanzamento do programa Erasmus+ en 2014, dous millóns de persoas de todos os ámbitos beneficiáronse das oportunidades que ofrece, tales como períodos de estudos, de prácticas ou voluntariado, adquirindo experiencia no estranxeiro. E durante estes últimos 30 anos xa participaron un total de cinco millóns de persoas.