A Axencia Galega de Innovación (GAIN) e o Centro para el Desarrollo Tecnológico Industrial (CDTI) están a organizar para o vindeiro 3 de maio unha presentación das novidades nos instrumentos de apoio e financiamento que ofrecen ás empresas ambas institucións.

A xornada, que terá lugar entre as 11:30 e as 14:00 horas no edificio CINC da Cidade da Cultura de Galicia en Santiago de Compostela, contará coa presenza do conselleiro de Economía, Emprego e Industria, Francisco Conde, o director xeral de CDTI, Francisco Marín, e a directora da Axencia Galega de Innovación, Patricia Argerey.

Podes consultar o programa, así como acceder ao formulario de inscrición nas webs de GAIN e CDTI.