O mércores 24 de xullo o Museo Centro Gaiás acolle o acto de entrega das Medallas de Galicia 2024. A Medalla de Galicia é a máxima distinción de honra que concede a Xunta a persoas ou institucións que polos seus méritos ao servizo de Galicia en calquera aspecto da súa realidade social, cultural ou económica, sexan dignas de obter o recoñecemento do pobo galego.

Nesta edición, recoñécese coa Medalla de Ouro ao actor Luis Tosar, á produtora de cine Zaza Ceballos e á Academia Galega do Audiovisual.