Celebración da IV Asemblea Xeral do Programa de Ciencias Mariñas de Galicia, coordinado polo Instituto de Investigacións Mariñas do CSIC, xunto co CETMAR e a Universidade de Vigo. O programa ten a protección e xestión sostible dos servizos dos ecosistemas mariños como o seu principal reto, implicando a máis de 89 grupos de investigación galegos, a través de tres grandes liñas de actuación: a observación e seguimento do medio mariño e do litoral; acuicultura sostible, intelixente e de precisión, e innovación, coñecemento e oportunidades para adaptarse ao cambio na economía mariña.

Programa financiado polos fondos europeos FEMP/FEMPA e NestGenerationEU, polo Goberno de España - Ministerio de Ciencia e Innovación a través do PRTR e pola Xunta de Galicia.

O Programa de Ciencias Mariñas de Galicia é un dos sete programas de Ciencias Mariñas dos Plans Complementarios de I+D+i coas Comunidades Autónomas, que forman parte do Compoñente 17, Investimento 1 do Plan de Transformación e Recuperación da Resiliencia da UE. As accións do Programa fináncianse unhas a través dos fondos Next Generation EU e outras a través do Fondo Europeo Maritimo de Pesca e Acuicultura (FEMP/FEMPA).