O venres 19 de xaneiro, ás 12:00 horas terá lugar o acto de presentación dirixido aos medios de comunicación do Entroido dos Xenerais da Ulla 2024, no Auditorio 2 do Edificio CINC da Cidade da Cultura. 

Neste acto darase a coñecer a campaña de promoción conxunta, calendario de celebracións e accións de posta en valor deste entroido rural tradicional. Participarán representantes dos concellos de Boqueixón, A Estrada, Santiago, Silleda, Teo, Touro, Vedra e Vila de Cruces, e integrantes das comisións organizadoras dos entroidos da Ulla. Ao remate convidarase ás persoas asistentes a unha degustación de produtos locais.