O CAFI, Centro Autonómico de Formación e Innovación, dependente da Consellería de Cultura, Educación, FP e Universidades da Xunta de Galicia, organiza as Xornadas de Lingua e Literatura para axudar ao profesorado de ensino non universitario a recoller ideas e prácticas de interese arredor destas disciplinas, orientadas tanto á lingua propia coma á lingua cooficial do Estado.
Contará coa participación dos premios Nacionais 2023 Paula Carballeira (Literatura Dramática) e Yolanda Castaño (Poesía), así como dos autores e autoras Nando López, Thibaut Deleval, Asís G. Ayerbe, María Solar, Piu Martínez, Raúl Vacas, Fran Guede e Rocío Romero, tanto galegos como internacionais e vinculados ao ensaio, a fotografía, a educación, a novela, o deseño, a poesía, etc.
OBXECTIVOS:
- Promover a reflexión sobre o concepto de educación literaria.
- Dar a coñecer pautas didácticas ao redor da aprendizaxe e ensino da linguaxe literaria.
- Revisar os conceptos de lectura, escritura e competencia dixital en relación coa educación literaria.
As xornadas promoven a adquisición de competencias comunicativas (sentido estético, dramático e capacidade de emocionar), didácticas (espazos, recursos e materiais de aprendizaxe) e dixitais útiles para o deseño de situacións de aprendizaxe, estratexias organizativas e de xestión de recursos e a incorporación de diferentes códigos (visual, xestual, musical, dramático) que fomenten a capacidade de conexión do alumnado coa materia
Máis información AQUÍ.
