A EASD Mestre Mateo celebra un ano máis o seu tradicional desfile, Despunte 2022, o día 3 de novembro ás 19 horas no Museo Centro Gaiás da Cidade da Cultura.

Nesta 12ª edición acollerá unha mostra dos traballos finais de estudos das promocións 2020/21 e 2021/22, xunto cunha escolma dos traballos dos últimos cursos do Grao en Ensinanzas Artísticas Superiores en Deseño de Moda e do Ciclo Superior de Xoiaría.

Este ano a escola quere abrir a todo o mundo a posibilidade de ver o desfile, polo que haberá tamén retransmisión en streaming do evento a través da canle de Youtube da EASD Mestre Mateo.