A Xunta de Galicia participa nas «III Xornada Pontes entre formación e emprego», un evento que pretende achegar a realidade ao empresariado galego de todas as posibilidades formativas que existen agora mesmo para poder incorporar persoas traballadoras axeitadas á súa empresa.
O encontro terá lugar o 22 de xuño, ás 17 horas, na Cidade da Cultura, en Santiago, e haberá mesas redondas e debates sobre formación e emprego, relatorios de experiencias e un espazo para o networking entre as persoas asistentes.
Entre as temáticas que se abordarán na xornada inclúense as axudas para a contratación de traballadores, a oferta formativa para a aprendizaxe de oficios, as posibilidades para facer prácticas en empresas ou onde buscar persoal formado, entre outros.
Consulta AQUÍ o programa completo da xornada e incríbete sen custo.
