O conselleiro de Cultura, Educación e Universidade, Román Rodríguez, participará na entrega de premios da Olimpíada Informática Galega.

A Olimpíada Informática Galega consta dun conxunto de problemas, xeneralmente entre 4 e 6. Cada problema debe resolverse empregando unha linguaxe de programación que permita automatizar a súa resolución. Na OIG permítese o uso de C++, Python ou Java. Cada problema describirá un escenario no que queremos que un programa de ordenador nos axude dalgún xeito. Os problemas da Olimpíada adoitan centrarse no deseño correcto e eficiente de algoritmos. Pode participar nesta competición alumnado de ESO, bachallerato ou ciclos formativos de grao medio.