Creatividade Galega organiza o seu primeiro evento Simbióticos, diálogos de creatividade, un encontro para falar de ideas e de estratexia, do poder transformador da creatividade. O evento aspira a ser un espazo para a reflexión e a procura de novos camiños creativos, un lugar onde aprender, inspirarse e experimentar co proceso creativo como protagonista.

Simbióticos conta co patrocinio principal de Ingenio Media, coa colaboración de Markea, o Clúster da Comunicación de Galicia e Extradixital, e coa axuda da Xunta de Galicia e Xacobeo 21.22. O evento conta tamén co apoio de Bonilla a la vista, D.O. Rías Baixas, La Tahona A Coruña e Olga Albariño.