100xCiencia.5 é a sucesora da última edición, 100xCiencia.4 no 2019. O tema do evento deste ano afondará na importancia da dimensión internacional da ciencia.
O Instituto Galego de Física de Altas Enerxías (IGFAE), centro conxunto da Universidade de Santiago de Compostela e a Xunta de Galicia, coorganiza este encontro xunto con SOMMa, os Centros 'Severo Ochoa' e as Unidades 'María de Maeztu' da Alianza de Excelencia.
O encontro 100 xCiencia.5 ten como obxectivo destacar a importancia da colaboración internacional en ciencia para afrontar os retos globais do futuro. A crise de saúde do COVID-19 revelou a necesidade e urxencia de que toda a comunidade científica, a industria e a sociedade cooperen para resolver problemas.
O encontro divídese en catro áreas temáticas principais:
- Cosmos
- Saúde
- Crise Climática
- Cultura Científica
