Con motivo do Día Universal dos Dereitos do Neno, a Dirección Xeral de Familia, Infancia e Dinamización Demográfica da Consellería de Política Social está a organizar unha Xuntanza de Familias Acolledoras de Galicia, un lugar de encontro para dar a coñecer, fomentar e reforzar a figura do acollemento familiar como recurso idóneo para a atención dos nenos e nenas que se atopan en situación de desprotección. Un espazo para as familias que están acollendo, un espazo para pousar as vivencias, para compartir e para novos comezos.
Será o sábado, día 21 de novembro, ás 10 horas, na Cidade da Cultura en Santiago de Compostela, na que contaremos cunha mesa redonda na que se compartiran experiencias de acollemento familiar e os nenos e nenas acollidos disporán de actividades lúdicas.
