A Asocación Empresarial Galega de Centros Especiais de Emprego sen Ánimo de Lugro (Cegasal) e a Asociación de Empresas de Inserción de Galicia (Aeiga) en colaboración con Viratec organiza unha xornada sobre Economía Circular Inclusiva, gratuíta, o xoves 16 de maio na Cidade da Cultura.
Durante o evento, explorarase como os Centros Especiais de Emprego e as Empresas de Inserción contribúen significativamente a un modelo económico máis sostible e inclusivo. O obxectivo principal é promover sinerxias entre as entidades da economía circular e da economía social, ademais de fomentar a implementación de estratexias de circularidade e inclusión.
Participarán diversos expertos en economía social e circular. A asistencia é de balde e pódese confirmala a través deste formulario en liña. Pódese consultar o programa completo no seguinte enlace: https://bit.ly/3QChQJL
