Xornada Nacional de Medio Ambiente de Decathlon España

A empresa Decathlon celebra no Gaiás unha das accións da súa Xornada de Voluntariado Ambiental, que por sexto ano consecutivo organiza diferentes actividades de maneira simultánea en toda españa.

Arredor de 150 persoas participarán nesta iniciativa que inclúe a recollida de lixo no medio natural na contorna do monte Gaiás, ademais doutras actividades enmarcadas no coñecemento e coidado da natureza. O encontro pretende concienciar da problemática suscitada pola presenza de lixo -especialmente plásticos- en montes e bosques, ademais da necesidade de protexer o medioambiente e o noso patrimonio forestal.