A Consellería de Cultura, Educación e Ordenación Universitaria organiza, en colaboración coa Fegamp, unha xornada informativa sobre novas vías de axilización dos trámites administrativos en relación aos expedientes de bens patrimoniais, que se abren co desenvolvemento do novo marco normativo disposto pola Lei do Patrimonio Cultural de Galicia. Este encontro desenvolverase o mércores, 24 de xaneiro, no Salón de Convencións CINC da Cidade da Cultura.

O conselleiro de Cultura, Educación e Ordenación Universitaria, Román Rodríguez, e o presidente da Federación Galega de Municipios e Provincias (FEGAMP), Alfredo García, inaugurarán a Xornada. Estarán acompañados polo secretario xeral Técnico, Jesús Oitavén, e pola directora xeral do Patrimonio Cultural, María Carmen Martínez Ínsua.

O obxecto desta xornada é explicarlles aos representantes municipais e/ou profesionais relacionados coa área de urbanismo, os novos instrumentos normativos que se veñen de habilitar. O encontro está dirixido ademais de a Alcaldía, tamén ao secretario/a xeral do concello, ao/a concelleiro/a de Urbanismo e aos técnicos municipais da dita Concellería.

Máis información en: http://www.fegamp.gal/content/xornada-informativa-sobre-obras-en-bens-pa...