O sábado 30 de marzo o Edificio CINC da Cidade da Cultura acolle unha xornada de encontro entre as persoas participantes no programa de mobilidade xuvenil Galeuropa.

Galeuropa é un programa de mobilidade transnacional convocado pola Dirección Xeral de Xuventude, Participación e Voluntariado e cofinanciado polo Fondo Social Europeo. Ofrece a realización de prácticas formativas non laborais en empresas e entidades públicas ou privadas de países europeos, co obxectivo de reforzar a empregabilidade e as competencias profesionais e mellorar a formación e adquisición de experiencia para a inserción laboral da mocidade.