O sábado 28 de outubro celébrase na Cidade da Cultura unha xornada de tripla sensibilización en materias de corresponsabilidade, acollemento familiar e conciliación, organizada pola Consellería de Promoción do Emprego e Igualdade en colaboración coa Asociación Galega de Familias de Acollida, Acougo. 

O evento contará coa participación de Virginia Mosquera, autora entre outras obras de Julieta & Romeo e Motherland. Haberá actividades de conciliación pensadas para nenas e nenos, mocidade e tamén para persoas adultas, clubes de lectura e a actuación de Iolanda Eiras co seu conto musicado Fogares de Cores, que aborda a temática do acollemento desde a diversidade familiar.