O presidente da Xunta, Alberto Núñez Feijóo, acompañado do conselleiro de Cultura, Educación e Universidade, Román Rodríguez, participará na Xornada de exhibición dos Polos creativos.

No marco do Plan de Nova Arquitectura Pedagóxica, os centros escolares contan con polos creativos vinculados á estratexia de ensino dixital. Son espazos de creación deseñados e dotados para fomentar as competencias STEM (Ciencias, Matemáticas e Tecnoloxía), onde primen os novos métodos pedagóxicos de traballo colaborativo, solución de problemas reais e fomento de habilidades creativas. Para o seu deseño, tomouse como referencia a experiencia piloto dos Espazos Maker que se implantaron en 20 centros educativos.