O próximo 20 de xuño, Sarela e Dano Cerebral Estatal organizan esta xornada para reflexionar e compartir experiencias de inclusión sociolaboral no terceiro sector co obxectivo de crear ferramentas e estratexias para mellorar a tasa de emprego das persoas con dano cerebral.

A xornada consta de tres mesas redondas nas que participarán profesionais do ámbito da orientación sociolaboral, representantes de empresas e institucións e persoas con dano cerebral para describir a situación actual e analizar experiencias de éxito e boas prácticas no ámbito da discapacidade que se poden extrapolar ao campo do dano cerebral.