A Sociedad Gallega de Oftalmología (SGO) celebra a súa 45 reunión os días 25 e 26 de xaneiro no Edificio CINC da Cidade da Cultura. Un encontro no que os profesionais poderán poñerse ao día e debatir ao redor dos últimos avances en cirurxía ocular e no tratamento de enfermidades como o glaucoma, o edema macular diabético, a conxuntivite cicatrizal ou a miopía. A reunión contará coa participación de expertos nacionais e internacionais.
Ademais, o profesor Ángel Carracedo, catedrático da Universidade de Santiago de Compostela e director da Fundación de Medicina Xenómica, será o encargado de impartir a V Conferencia Profesor Sánchez Salorio, que leva o nome dunha das figuras máis destacadas da oftalmoloxía en España nos últimos 50 anos.
Consulta o avance do programa aquí. Máis información e inscricións na web da Sociedad Gallega de Oftalmología.
