A Asociación Galega de Matronas (AGAM) organiza o curso de Xestión mental da dor enfocada ao parto - Método Nacer Sabiamente, que impartirá o recoñecido matrón Alejandro Ojeda o vindeiro 16 de setembro na Cidade da Cultura en Santiago de Compostela.

O curso, de 8 horas de duración, diríxese a matronas e residentes de matronas e será 100% presencial. A interacción será constante, mediante resolución de dúbidas, casos prácticos e exercicios en grupo onde poder integrar o contido teórico.

Obxectivos:

Obxectivos xerais:

• Comprender o funcionamento xeral da mente e como afectan os seus procesos ao parto.
• Entender a fisioloxía da dor e as estratexias mentais para alivialo no parto.
• Aprender e practicar estratexias de comunicación efectiva para un acompañamento adecuado tanto na preparación como no propio parto.

Obxectivos específicos:

• Profundar sobre a dor no parto: causas, funcións e condicionamentos.
• Estratexias de alivio da dor no parto: reencuadrar o concepto de “dor de parto”, xestionar e afrontar eficazmente o parto, usar a mente e o corpo para activar unha resposta neurofisiológica positiva.
• Aprender as estratexias de comunicación efectiva para facilitar a xestión da dor.
• Practicar as estratexias aprendidas para o alivio da dor para integralas.