O Consello Galego de Mediadores de Seguros e Agacose organizan o 29 de outubro en Santiago de Compostela o X Encontro Asegurador Galego / XIII Congreso Galego de Corredores, o mellor e máis numeroso evento de mediadores de Galicia, convocando a profesionais do sector asegurador para pór en común experiencias a través dun programa de relatorios específicos para axentes e corredores de seguros.

No encontro falarase de temas como o presente e futuro do sector e do canal axencial, a situación da mediación en Galicia, ou as estratexias para o liderado, a prevención de ciberataques e a xestión do tempo, entre outros.