Trainers For The Future é o primeiro Congreso Nacional organizado por e para a comunidade de formadores en España, no ámbito da formación para o emprego, a formación continua ou a formación permanente. A primeira edición celebrouse en 2017 e dende entón repetiuse anualmente ata 2019. Logo dun descando en 2020 o evento regresou en 2021 cunha periodicidade bienal.
A edición de 2023 celébrase no Edificio CINC da Cidade da Cultura os días 10 e 11 de novembro. As entradas para o evento, así como o programa completo das xornadas están dispoñibles na súa web.
Trátase dun evento que serve como punto de encontro dos formadores, para coñecer as últimas novidades do sector da formación que lles afectan, para crear novas relacións con outros formadores e entidades formativas, para coñecer o futuro da formación na que son partícipes... para, en definitiva, estar actualizado e conectado co mundo da formación para o emprego e a súa evolución.
O Congreso conta con espazos expositivos permanentes, ponencias impartidas por expertos con ampla experiencia a nivel nacional, foros, obradoiros e actividades complementarias que axudan a mellorar o coñecemento dos formadores e entidades de formación asistentes, ampliar as súas redes de contacto e potenciar a imaxe como profesional e/ou empresa.
