Obradoiro de estampación sobre tea no que utilizaremos a técnica da serigrafía, na que transferiremos a unha superficie téxtil unha imaxe creada previamente, empregándoa como modelo e utilizando tintas de diferentes cores.
Esta popular técnica de estampaxe, moi empregada hoxe en día, ten séculos de antigüidade e foi moi empregada polas civilizacións exipcia e chinesa, por exemplo.
Atención!
O obradoiro está dirixido a todo tipo de público interesado nesta técnica e especialmente indicado para realizar en familia. Poden participar no mesmo persoas adultas ou rapazada acompañada dunha persoa adulta responsable.
Horarios e inscrición:
As quendas comezan ás 10.30, 11.30, 12.30, 16.00, 17.00, 18.00 e 19.00. Se queres participar, debes consultar dispoñibilidade e reservar praza na columna lateral desta mesma páxina.
Ferramentas e materiais que se empregarán no desenvolvemento do obradoiro:
- Pantallas
- Lacas
- Secadores
- Planchas
- Base de corte
- Coitelas
- Tesoiras
